கல்வி சூரியன்

 TNPSC குரூப் 2 / 2A தேர்வுக்கு விண்ணப்பிப்பது எப்படி? | How to apply for TNPSC Group 2 / 2A exam?

தமிழ்நாட்டில் இளைஞர்கள் பலரும் இரண்டு வருடங்களாக எதிர்பார்த்திருந்த டிஎன்பிஎஸ்சி குரூப் 2, 2A தேர்வுகளுக்கான அறிவிப்புகள் வெளியாகியுள்ளன.

இந்தத் தேர்வில் வெற்றிபெறுபவர்கள் மூலம் நிரப்பப்படவிருக்கும் பல்வேறு பணிகளுக்கு என 5,529 இடங்கள் அறிவிக்கப்பட்டு, பிப்ரவரி 23-ம் தேதி முதல் மார்ச் 23-ம் தேதி வரை ஆன்லைனில் தேர்வுக்கு அப்ளை செய்வதற்கு காலம் கொடுக்கப்பட்டுள்ளது.

தமிழ்நாட்டில் நடக்கவிருக்கும் மிக முக்கியத் தேர்வாக இது. இதற்கு ஆன்லைனில் விண்ணப்பிக்கும் முறையை இங்கு பார்க்கலாம்.

கையில் வைத்திருக்க வேண்டிய, அல்லது கணினியில் soft copy ஆக வைத்திருக்க வேண்டியவை ஆவணங்கள்:

- போட்டோ

- கல்விச் சான்றிதழ்கள்

- வகுப்புச் சான்றிதழ்

- கையொப்பம்

- தமிழ் வழியில் பயின்றதற்கான சான்றிதழ்

ஸ்டெப் 1:

* தமிழ்நாட்டில் நடைபெறும் இந்த குரூப் 2 மற்றும் 2A தேர்வுகளை TNPSC (Tamil Nadu Public Service Commission) நடத்துகிறது. TNPSC-ன் அதிகாரபூர்வ இணையதளத்தில் விண்ணப்பிக்க வேண்டும்.

ஸ்டெப் 2:

* One Time Registration(OTR) செய்திருக்க வேண்டும். TNPSC இணையதளத்திற்கு சென்றால் அதன் முற்பகுதியில் one time registration என்ற பகுதி இருக்கும். அதனை க்ளிக் செய்தால் கல்வித் தகுதி, வீட்டின் முகவரி, புகைப்படம், கையொப்பம், சான்றிதழ்கள் எனப் பல தகவல்கள் கேட்கப்படும். அதனை நிரப்பிய பின் 150 ரூபாயை ஆன்லைனில் செலுத்தி registration செய்து வைத்திருக்கவும். Register செய்த பின் உங்களுக்கான user id மற்றும் password set செய்து கொள்ளவும்.

ஸ்டெப் 3:

* TNPSC முகப்பு பகுதிக்கு வந்தால் apply online என்ற பகுதி இருக்கும். அதனை கிளிக் செய்து உள்ளே செல்லவும். `விண்ணப்பிக்க' என்ற கட்டம் இருக்கும். அதனை க்ளிக் செய்து உள்ளே செல்லவும்.

ஸ்டெப் 4

* அதன்பின் open ஆகும் பக்கத்தில் அறிவிப்புகள், அப்ளை செய்யவேண்டிய தேதிகள், தேர்வுத் தேதிகள் என அனைத்தும் இருக்கும். அறிவிப்பை ஆங்கிலம், தமிழ் என விரும்பும் மொழியில் பதிவிறக்கம் செய்து மிக கவனமாகப் படித்துக் கொள்ளவும்.

ஸ்டெப் 5

* அதே பக்கத்தில் apply online என்ற தேர்வு இருக்கும். அதனை க்ளிக் செய்து, நீங்கள் one time registration-ல் பதிவு செய்திருந்த user id, password-ஐ இடவேண்டும். அப்போதுதான் அப்ளை செய்வதற்கு login ஆகும்.

ஸ்டெப் 6

* அதன்பின் ஓபன் ஆகும் பக்கத்தில் click here to apply (Group 2/Group 2A) என்பதை க்ளிக் செய்த பின், ஒரு போர்டல் ஓபன் ஆகும். அதில் ஒன்பது ஸ்டெப்கள் இருக்கும். இதனை ஒவ்வொன்றாக நிரப்ப வேண்டும்.

முதலில் தேர்வு குறித்தான விவரங்கள்(recruitment details ) இருக்கும். இதனைப் படித்து பார்த்து save and continue கொடுக்க வேண்டும்.

* பின் புகைப்படம், கையொப்பம், போட்டோ இவற்றை பதிவேற்றம் செய்து கொள்ள வேண்டும். புகைப்படம் சமீபத்தில் எடுத்ததாக இருத்தல் நல்லது. அடுத்து applicant details. இதில் one time registration-ல் நீங்கள் கொடுத்த விவரங்கள் இருக்கும். அதனை சரிபார்த்துக்கொள்ளவும். தொடர்ந்து, கீழே உங்கள் தனிப்பட்ட விவரங்கள் கேட்கப்படும், அதனை நிரப்பவும்.

*அடுத்து communication details கேட்கப்படும். அது one time registration-ல் இருந்து தானாக நிரப்பப்பட்டிருக்கும்; சரியாக உள்ளதா எனப் பார்த்துவிட்டு அடுத்த பக்கத்திற்குச் செல்லவும்.

*அடுத்து special category certificate details, educational details இருக்கும். இவற்றை நிரப்பிய பின் அடுத்த பக்கம் ஓபன் ஆகும்.

* அடுத்த பக்கத்தில் தமிழ் வழியில் படித்ததற்கான இட ஒதுக்கீடு கோருகிறீர்களா என்று கேட்கப்படும். இங்கு, நீங்கள் கல்லூரி வரை தமிழில் பயின்றுள்ளீர்கள் என்றால் ஆம் எனக் கொடுக்கவும். அதன் கீழே, எந்த வகுப்பு வரை பயின்றுள்ளீர்கள் என்பதற்கான விவரங்கள் கேட்கப்படும். அதனை நிரப்பி save கொடுத்த பின் அதற்கான விவரங்கள் கேட்கப்படும். அனைத்தையும் பொறுமையாக நிரப்ப வேண்டும். முன்னதாக, நீங்கள் படித்த பள்ளி மற்றும் கல்லூரியில் இருந்து தமிழில் படித்ததற்கான சான்றிதழ்(PSTM - Person Studied in Tamil Medium) பெற்றிருக்க வேண்டும். ஒன்று முதல் 10-ம் வகுப்பு வரை, 12-ம் வகுப்பு, கல்லூரி எனத் தனி தனியாக நிரப்ப வேண்டும். பள்ளியின் பெயர், சான்றிதழ் கொடுத்தவர், சான்றிதழ் பெற்ற தேதி என அனைத்தும் கேட்கப்படும்.

* தொடர்ந்து technical qualification விவரங்கள், தேர்வு எழுத நீங்கள் தேர்ந்தெடுக்கும் பகுதி என அனைத்தையும் நிரப்பவேண்டும். பின் preview பகுதி ஓபன் ஆகும். அதில், அனைத்தும் சரியாக உள்ளதா என செக் செய்தபின் அடுத்தடுத்து terms and conditions இருக்கும். அவற்றை படித்து பின் tick செய்யவும்.

கட்டணம் செலுத்துவதற்கு முன் அனைத்து விவரங்களையும் கவனமாக சரிபார்க்கவும்.

ஸ்டெப் 7:

* டெபிட் கார்டு/கிரெடிட் கார்டு/நெட் பேங்கிங் மூலம் TNPSC விண்ணப்பக் கட்டணத்தைச் செலுத்தவும்.

ஸ்டெப் 8:

* விண்ணப்பப் படிவத்தைச் சமர்ப்பிக்கவும். தொடர்ந்து, நிரப்பப்பட்ட விண்ணப்பப் படிவத்தை எதிர்காலத் தேவைகளுக்குப் பிரின்ட் அவுட் எடுத்துக் கொள்ளவும்.