கல்வி சூரியன்

 புதுச்சேரி தொடக்கப் பள்ளிகளில் 164 ஆசிரியர் பணியிடம் காலி

அரசு தொடக்கப்பள்ளிகளில் காலியாக உள்ள 164 ஆசிரியர் பணியிடங்களை நிரப்பக் கோரி கவர்னரிடம் மனு அளிக்கப் பட்டுள்ளது.புதுச்சேரி பூர்வீக பழங்குடி இருளர் நலச் சங்க செயலாளர் அரங்கநாதன் கவர்னரிடம் கொடுத்துள்ள மனு: புதுச்சேரியில் தொடக்கப்பள்ளிகள் திறக்கப்பட்டு வகுப்புகள் நடந்து வருகிறது.

சமீபத்தில் 74 தொடக்கப்பள்ளி ஆசிரியர்களுக்கு, பட்டதாரி ஆசிரியராக பதவி உயர்வு வழங்கப்பட்டது. கடந்த 2016ம் ஆண்டு 425 தொடக்கப்பள்ளி ஆசிரியர்கள் பணி நியமனம் செய்யப்பட்டனர். அதன் பிறகு 7 ஆண்டுகளாக தொடக்கப்பள்ளி ஆசிரியர்கள் பணியிடங்கள் நிரப்பப் படாமல் இருந்து வருகிறது.எனவே, தற்போதைய நிலையில் தொடக்கப்பள்ளிகளில் காலியாக உள்ள 164 ஆசிரியர் பணியிடங்களை உடனடியாக நிரப்ப வேண்டும்.